Coventry University Kazakhstan Алматыда өткен 2025 жылғы Дүниежүзілік Инклюзия Конгресін қолдағанына мақтаныш етеді. Біз әлемнің түкпір-түкпірінен келген білім беру мамандарын, саясаткерлер мен сарапшыларды біріктіріп, инклюзивті және әділ оқу ортасын құру стратегияларын талқыладық.

Coventry University Group құрамына кіргендіктен, біз топтың стратегиялық құндылықтарын толықтай қолдаймыз: қиындықтарға дайын болу, өзгерістерді қабылдау және әлемді жақсартуға ұмтылу. Біз әртүрлілікті және инклюзияны белсенді насихаттап, студенттеріміздің, әріптестеріміздің және серіктестеріміздің ерекше мәдениеті мен тәжірибесін пайдалана отырып, барлығына тең мүмкіндіктер жасаймыз.

Coventry University Group халықаралық істер жөніндегі проректоры Ричард Уэллс Конгрессте спикер ретінде сөз сөйлеп, инклюзивті білім беруді дамыту және жаһандық ынтымақтастық тәжірибесімен бөлісті. Оның қатысуы сапалы білім алу әркімнің құқығы екенін және білім арқылы қоғамның дамуына үлес қосу қажеттілігін көрсетті.

Дүниежүзілік Инклюзия Конгресі сияқты бастамаларды қолдау, Coventry University Group үшін әртүрлілікті, теңдікті, инновацияны қолдау және қоғамға нақты оң әсер жасауға деген ұмтылысының көрінісі.

Халықаралық форумдарға қатысып, инклюзивті білімді насихаттай отырып, Coventry University Kazakhstan әділ оқу жағдайларын, кәсіби жетістікті және әлеуметтік дамуды қамтамасыз етуге үлес қосады, студенттер мен оқытушылар үшін сенімді серіктес ретіндегі беделін нығайтады.